潮州人 (已結業)

中午肚餓，見到大片連儂牆嘅餐廳，當然即刻入去試下啦。應該係剛剛開門，只有一個伯伯做樓面，行動較慢，但我哋當然唔介意啦！叫完野食之後，走去寫下連儂，睇吓文宣，轉頭就有得食啦！兩個人叫左一碗招牌花膠米粉，同埋清酒大蜆。佢嘅花膠順滑爽口，無煮過龍，而且湯底非常清甜，飲晒成碗都得。佢中採用咗新竹米粉，一絲絲吸收湯汁，好好味！清酒大蜆粒粒都好飽滿，食落鮮甜，酒味唔會太濃，煮得岩岩好，一D都唔UN。應該多啲支持呢類型嘅黃色小店，真係好有心機去做。