Peace Cafe (已結業)

早排疫情開始好D嘅時候，難得同老公一齊放假，當然要去行街街，過吓二人世界啦！行到攰，我哋又再次去返上次介紹過嘅Peace Cafe坐吓休息吓。🥰🥰🥰 點解會又再上去？原因好簡單，果度真係好舒服，最重要唧係食物同飲品都好好，好新鮮，而且佢仲要係即叫即整。👍👍👍哈哈！問心，而家好多地方都係一早整好晒所有食材，等客人叫先翻熱翻叮，所以真係冇咁好食，但我哋去到，佢所有材料都係即時整，你會見到老闆去攞材料，跟住就入廚房整，由生整到熟先比客人食，所以時間就係會耐少少，去得cafe，我估大家都會預多少少時間，係去享受下cafe嘅舒服，坦白講，如果趕時間，又或時間唔多，又唔等得嘅話，咁不如去食快餐或茶餐廳好過啦！🤣🤣🤣始終疫情未過，佢哋都好小心，而且都好貼心，除咗探熱、搓手液外，還準備了透明袋比大家放口罩，而家除咗比較大或大集團嘅餐廳先會為客人準備外，其他都唔會。😘😘😘Peace Cafe今次唔講咁多，比大家睇下我哋食咗乜先：凱撒沙津本來叫咗兩個，但老闆好好人，佢話如果叫兩個都一樣，不如叫一個有肉嫁啦！佢推介咗一個燒汁雞扒凱撒沙津啦！起碼叫有少少肉食吓！而且佢哋個雞扒係即叫即整添，所以我哋就聽佢意見。