Big John (已結業)

見咁多笑臉，一個喊臉都無，無可能唔去試試啦~　此店唔算太起眼，要細心留意路牌先搵到~ 店內係高椅快餐格局，食物係即叫即製；餐廳會供應大量雜誌，所以等都唔會悶~ 難得佢小店經營，食物選揀都唔少，是夜我同男友叫左一個薄牛扒飯、水餃麵、格仔餅同紅豆冰。其實見Blueberry Cheesecake賣相好掂，都幾想試，不過o岩o岩俾人last order左~　睇左兩本雜誌，食物就到。薄牛扒飯簡單卻好食，不覺不覺就食左好多；水餃麵就過清，一般；格仔餅好多花生醬，好此者會欣賞；最後紅豆冰夠稔夠棉又香甜，屬超水準出品! 　整體而言，此店唔係sell有特色食物，不過味道唔錯而價錢又抵，行開街可以試試/返炒~