一開始都唔覺得有咩問題，直到隔離個同事啲飯到咗，佢食完曬啦，我嗰份都未到嗰陣我就知道出事了。
只係普通一個炒飯佢又炒， 點解我嗰份咁耐都未到，等到頸都長埋終於到咗嗰陣，點知到佢幫我走咗辣椒! 香葉肉碎炒飯梗係辣㗎啦？你幫我走咗啲辣椒做乜嘢呀？？我呢個飯炒到又淋又多水，仲要冇辣椒？佢另外畀碟辣椒我，大佬搵辣椒送飯咩。。 我另外要辣椒做乜嘢？我要辣嘅炒飯，唔係辣椒餸飯囉。。。
啲飯炒得唔好食都算，裏面竟然有舊骨？？ 大佬你只係香葉炒飯，有乜可能裏面會有骨碎？？仲要唔係蛋殼碎，係雞骨嗰啲骨! 差d 咬爆我隻牙囉，炒得差唔緊要，要食得落先得㗎？？？？ 我唔想浪費你成個飯所以全部食曬佢，利申真係想死
