La Postre (厚福街) (已結業)

經過尖沙咀，有見到網上嘅評語對呢間餐廳好好，所以就不知不覺入咗去啦！首先呢間係西班牙餐廳，本人自己都去過西班牙所以對西班牙嘅美食充滿希望。尤其係西班牙海鮮飯，但係我對呢間餐廳嘅海鮮飯就極之失望，完全係改變左西班牙嘅味道，亦都食唔到係西班牙嘅風味，只係食得出廚師將所有嘅海鮮融合埋一齊就上枱！唔可以話呢間餐廳唔好味，但係就一般般，所以就令到我有些少失望，亦都唔會再考慮光臨！ 而且見識到老員工唔專業嘅服務，有一個服務員好好 10分盡責盡量滿足客人嘅需要不停幫客人加水，可能係新入職嘅關係所以落單是有些小錯誤，而且錯誤不停發生包括喺其他客人嘅order，但係類似經理嘅人就不停在客人面前訓斥他，當我買單時又唔會多謝客人，只係橋埋雙手企喺度！ 所以你間餐廳嘅服務同我哋講係零分，仲要計+1，簡直係唔成正比！