影片
更多
2018-05-03
275 瀏覽
星期二紅日嚟到九龍灣，大約六點鐘嚟到翡翠小籠包，要等一陣位先入得。不嬲都有食開呢間翡翠小籠包，但今次發覺佢哋退步左。我地叫咗一籠上海小籠包，有四粒，小籠包嘅皮有啲厚，入邊餡料正常，食落有汁流出來，都幾好味，$38。原盅雲吞雞湯- 非常之唔抵食，大拿拿＄63，入面有兩粒雲吞，但湯水份量好少，入邊仲有啲鞋雞湯喳，唔抵食，千祈唔好嗌。乾煸四季豆 - 呢碟餸上菜時見佢炒得幾靚，四季豆炒得非常乾身，唔會過熟，但一食落啲肉碎，成陣豬蘇味， $76，唔值得食。最後想講下服務態度，入座時店員提醒有一個小時十五分鐘用餐時間，其實我哋已經食得好快，只食咗20分鐘就完成晚餐，當我地嗌埋單時，店員對着對講機，很雀躍地表露出佢哋好開心因為我哋好快食完，我覺得好冇禮貌，非常之趕客。咁想客人離開，不如唔好開執左佢啦。
我地叫咗一籠上海小籠包，有四粒，小籠包嘅皮有啲厚，入邊餡料正常，食落有汁流出來，都幾好味，$38。
原盅雲吞雞湯- 非常之唔抵食，大拿拿＄63，入面有兩粒雲吞，但湯水份量好少，入邊仲有啲鞋雞湯喳，唔抵食，千祈唔好嗌。
乾煸四季豆 - 呢碟餸上菜時見佢炒得幾靚，四季豆炒得非常乾身，唔會過熟，但一食落啲肉碎，成陣豬蘇味， $76，唔值得食。最後想講下服務態度，入座時店員提醒有一個小時十五分鐘用餐時間，其實我哋已經食得好快，只食咗20分鐘就完成晚餐，當我地嗌埋單時，店員對着對講機，很雀躍地表露出佢哋好開心因為我哋好快食完，我覺得好冇禮貌，非常之趕客。
咁想客人離開，不如唔好開執左佢啦。
張貼
