川流 (已結業)

午飯套餐質素一般，可以接受，價錢都算合理。不過，服務態度真係好差。入門口時前面有兩名顧客，一名不戴眼鏡的男侍應（一共見到兩名男侍應，另一名戴眼鏡）幫佢地量體溫，跟住入去裡面入座。心諗餐廳多數都要先量體溫，於是企喺度等。等左好耐不戴眼鏡男侍應先至回來，於是同佢講我有位㗎啦，使唔使量體溫先。問咗三次，佢都淨係問我有冇book位。我再答有，並指住已經入座的朋友。佢仲一路問我幾位，我再答佢四位，不過朋友已經到咗，我只係想知道使唔使量體溫。跟住佢就訓斥我叫我唔使咁Aggressive ，仲要不停撩交嗌，簡直荒謬！如果唔係朋友已經開咗茶，一定即刻走去第二度食。絶冇下次！