自助燒 SO GRILL (已結業)

訂左晚市6:30入座， 訂檯時已經講明4大1bb,黎到佢既然安排左卡位我坐， bb完全無法坐定定係卡位， 於是我行去搵負責登記同派檯嘅服務員，問佢有冇第二張可以放到bb high chair 嘅檯可以換？ 佢用粗略嘅態度回我「 無架，啲檯俾人坐晒啦，佢地都係打黎訂檯架，要留俾人」 哇！聽完我當堂著左火， 我話「 我都打黎同你講左有bb, 你仲安排我坐卡位？ 」佢無應我就即時叫人攞張high chair 放係卡位隔離， 姐係坐係行人路上！ 之後我拎野食果時見到幾張檯都係全大人， 點解唔彈性少少幫我地換檯呢？ 至於食物， 種類雖然少， 但味道還可以！ 刺身⋯ 好似施捨俾你咁， 切到鬼死咁薄， 每次限攞3片！絕！ 不會再幫襯！