球哥燉湯 (已結業)

上星期，與一班同事食午餐團年飯。因為在上環返工，所以到上環「球哥燉湯」食。我們五個人，叫了五個小菜加燉湯套餐（$80一個餐)，但因為我和同事忘記叫紅米飯，有一個年長的伙記幫我們換紅米飯，點知比個好惡的女伙記責備佢好幫我哋換，可能這個惡女伙記覺得我們忘記叫紅米飯是我們的責任吧！其實如果佢唔幫我哋換，我哋都無問題的，但佢去責罵一個幫我哋的老伙記我就真係覺得佢好過份。但本著「不要激怒幫你預備食物的人」的原則，只可以敢怒而不敢言。燉湯最後送到，我喝了一口，就覺得淡過飲水，我叫的是西洋菜陳腎湯，但我完全飲唔出有西洋菜味，點解啲燉湯質素仲差過茶餐廳例湯啲質素。我們都覺得這間食店的水準已大不如前，被我們列入黑名單，以後都不會再去。