旮旯 (已結業)

其實之前都幫襯左好幾次，尋日下晝去買抹茶卷蛋，佢話賣晒，於是買咗另外兩款甜品做外賣，另外就訂咗兩件卷蛋今個食。今日下晝滿心歡喜同埋小朋友一齊去食，入到去，餐廳職員喺廚房大大講話尋日已經同我哋講，成間餐廳都聽到！「嗰個乜小姐呀，我尋日已經同佢講左！訂咗只係可以做外賣！唔可以堂食！」我同小朋友企喺門口，我小朋友即場喊咗出嚟！完全有被逐出門口嘅感覺，好有hard feeling！現場見到係仲有位，平日下午來的，我地冇理解到訂左甜品嘅意思就一定係外賣，我唔知到你哋貴鋪嘅規矩，但係可唔可以有禮貌啲d同埋客氣少少？我係有幫襯嘅，唔係臨時改的！！！係咪間鋪出咗名就唔使講服務同禮貌？真係好失望！完全冇諗過平時支持開嘅舖頭會變成咁樣！睇返OpenRice comment，先至態度惡劣唔係第一次！而係有好幾次！幾鍾意食甜品都好！冇下次！BYE！！！