點點心

行過見到門面都幾企理，外賣自取仲要有8.8折，決定試吓佢。企喺門口睇完個餐牌揀好晒要咩就走入去，嗌左幾聲唔該先有個無著制服嘅黑面呀姐走埋嚟，用接近收數嘅語氣講咗兩次: 要乜！
我講左第一道菜之後，佢再用收數嘅語氣同眼神講多次: 要乜！
今次真係忍唔住，我話唔洗落單喇，然後掉頭就走。其實唔想做生意真係無所謂，無謂打開門等啲客走入嚟阻住你呀嘛。而家係落單，並唔係黎受你氣。
以後blacklist哩間咁不知所謂嘅點心店！