譚仔三哥米線 (康怡花園)

營業中

休息中

外賣自取(非peak hour) ，打電話去個陣個姐姐本身都無咩禮貌，到去拎麵，一行入去(外賣自取部)，見佢地忙，都有耐性咁想佢地忙完先開口問，點知就被人喝，大大聲問你幾多號，叫我自己係成堆麵到揾(眼神都幾衰)，我朋友聽到本身㩒緊電話都呆一呆同我對望，其實附近鰂魚涌都有間三哥加譚仔，so far次次去個兩間啲姐姐都係超級有禮貌，我本身都唔係話鍾意投訴既人，但食得連鎖店，你都知味道個啲係點，食既變相就係服務，入去拎麵成個過程先三分鐘但就好似你欠左佢咁，令到人星期日放假個心情都即刻差左。或者呢間多外賣訂單，啲姐姐真係好忙啦whatever，但開得門做生意，最重要同附近兩間個對比太大，有得揀既情況下，以後都唔去呢間！