茶餐廳2.0 (已結業)

愉景新城有一間茶記，感覺係行新派啲嘅路線，入面有即整嘅雞蛋仔同埋多款嘅飲品，仲有一啲西式啲嘅食物選擇。今次係晏就4點零鐘嚟到，有下午茶呢！我叫咗馬來咖喱牛筋腩飯，下午茶時段午餐減$10，所以只需$50，仲送熱飲。牛筋腩份量都幾多，牛腩食落都夠腍。我當然要熱奶茶啦🥳呢度嘅奶茶茶澀味會重啲。同行朋友們要咗黑松露野菌帶子意大利飯同全日特色早餐，即係all day breakfast😂黑松露野菌帶子意大利飯味道比較淡，經理話係行健康路線😅我都係鐘意重口味creamy啲嘅😅All day breakfast不過不失，收貨。另外仲叫咗個下午茶餐嘅芝士焗薯條share，真係食到好飽吖！