影片
更多
2010-01-03
22 瀏覽
今次響呢間野食完,我地四個女仔都話可以寫食評,唔係因為唔好食而寫,係因為好好食而寫...由於我早幾日生日,就約左幾個fd去食野慶生加聚會下,唸左好耐都唸唔到旺角有咩好食,因為cafe又唔熟邊間好(colour之前食過好多人好嘈,而且d野唔太好食),一係就坐得唔耐.後黎都係有一個fd響openrice睇到呢間好似幾多好評而試下.之前個fd電話訂左七點半,其實未夠七點半已經黎左,四個人之中我行得最前,一企響門口見到好似無幾個客其實我想講...咦,無客既...不如唔好入去嘍...因為佢個位置算幾隔sit....而且通常無咩人既舖頭d野都係......唔係甘好啦...後黎黎到我地就入去,佢地都係只有四張枱炸,三大一細,所以去之前一定要訂位好d,一坐落覺得d位有小小污糟,但係可以接受,但係最好就係d位個個都基本上可以睇到電視(一間店有三部大電視哦)跟住點菜,老板(應該係老板啦)就問我地點知呢度架(我fd訂位時話第一次黎),我講笑話我地係食評家...老板問我地岩岩坐落,試下個小食虎皮海節...我地就無咩所謂話咩都試下...都幾得意幾好味呀我地黎到時只有兩個人食野,但後黎就另兩張枱都滿左,有一枱好似
由於我早幾日生日,就約左幾個fd去食野慶生加聚會下,唸左好耐都唸唔到旺角有咩好食,因為cafe又唔熟邊間好(colour之前食過好多人好嘈,而且d野唔太好食),一係就坐得唔耐.後黎都係有一個fd響openrice睇到呢間好似幾多好評而試下.
之前個fd電話訂左七點半,其實未夠七點半已經黎左,四個人之中我行得最前,一企響門口見到好似無幾個客其實我想講...咦,無客既...不如唔好入去嘍...因為佢個位置算幾隔sit....而且通常無咩人既舖頭d野都係......唔係甘好啦...
後黎黎到我地就入去,佢地都係只有四張枱炸,三大一細,所以去之前一定要訂位好d,一坐落覺得d位有小小污糟,但係可以接受,但係最好就係d位個個都基本上可以睇到電視(一間店有三部大電視哦)跟住點菜,老板(應該係老板啦)就問我地點知呢度架(我fd訂位時話第一次黎),我講笑話我地係食評家...老板問我地岩岩坐落,試下個小食虎皮海節...我地就無咩所謂話咩都試下...都幾得意幾好味呀
我地黎到時只有兩個人食野,但後黎就另兩張枱都滿左,有一枱好似都係人地介紹黎,有一枱就好似係熟客...呢兩枱中既其中一枱有成十幾人,遠睇佢地好似幾逼...
後黎我地四個女仔點左頭先個虎皮海節,蕃茄湯底,一份牛一份羊,一份菜盤,一個竹笙,桶蠔,後黎追加左花蛤,象拔蚌仔,五枝汽水...好似係甘多啦,d野食都好新鮮,羊就比平時d舖頭切得厚d,感覺賺左(哈),蕃茄湯底因有粟米,紅蘿蔔同薑,就唔會好酸,岩岩好.桶蠔好新鮮,老板話係外國黎,所以應該干淨d....不過我覺得係重點好食呀...花蛤食到係甜既,有驚喜...蚌仔都係爽甜既.
一邊點野,一邊老板都會介紹下食咩比下意見,我地後黎食到差唔多見有d飽但仲有小小位,但我地又想食海鮮佢就先介紹象拔蚌仔(原因係個花蛤太好味,主要因為覺得新鮮而且又甜,所以大家就好想再追加一個海鮮....)
唔記得左講,個花蛤係因為我地點既墨魚"畫"無啦,所以改點既,但墨魚"畫"佢無就唔記得左同我地講,後黎見差唔多都未到問先知無....
走時老板又問我地對佢地有無咩意見...(呢度講晒啦...)跟住每人比左一張咭片...感覺服務係有熱誠,老板好落力做,佢地既優點係d野食都幾新鮮,服務好,缺點就係舖位位置有d隔sit啦,而且地方好似細左小小...因為得四張枱...覺得如果係五六個人左右想聚會去食都幾好,但超過十個人就好似會逼左小小啦(我初初仲以為廁所門係個房黎都係做生意....)
聽我朋友講,四個人食左六百幾蚊,甘外面食海鮮又係火鍋,甘我唸都算係差唔多啦...
p.s.因為我唔記得插咭入相機,所以我無得影相,只好睇下我fd有無黎寫食評黎貼下...
張貼