津津茶餐廳

營業中

休息中

o係附近返工, 平時都係帶飯多. 今日想試o下上司所謂沙田都有人特登o黎食o既津津. 其實下午茶雞湯麵/米/粉+ 飲品+ 例湯同油菜$24的確比較抵...但我又想食飯所以用相同價錢叫左個碟雞飯. 雞的確同樓下所講一樣比較鹹, 不過從第二個角度睇即係夠晒入面喇, 唔似平時好多地方得面o個層有味, 宜家唔點沙薑醬都可以. 佢個沙薑醬感覺上無平時咁鹹同油膩, 呢個抵讚. 無論係環境格局, 抑或係伙計收銀都俾我好強烈以前讀書舊式茶餐廳o既親切感覺,非常得. 但阿姐找錢o既時候竟然係用雙手!? 少少嚇親我...