錦鯉壽司 (已結業)

今日食飯突然想食日本野, 就去左呢間試下, 一入去就有BAR枱坐低, 食左碟三文壽司($18), 麻麻地, 唔鮮, 可能放得耐左DD; 跟住食左醋青壽司($18), 一般水準; 比較好味同鮮味既係鱆紅魚($26)壽司, 帶子壽司($18), 呢兩隻係水準之上, 好味; 岩岩廚房出左款北海道蟹柳壽司($26), 見到轉左兩個圈, 就由五碟, 變到剩番兩碟, 好奇心下就試下, 嘩, 原來好好味, 上面仲有DD蟹膏, 好鮮, 可以一試!!!同場再食左個日式叉燒拉麵SET($88), 有一份棘身, 叉燒好味, 上面有醬汁, 不過食食下D醬汁撈埋落碗湯麵度, 開始好甜又好鹹, 不過都OK既, 貴左少少坐坐下個感覺都幾好, 幾舒服, 又唔會趕人走, 服務都唔錯, 侍應都好勤力咁幫你加茶