Playa de Papagayo (已結業)

約朋友係尖沙咀想搵間餐廳happy hour，就揀咗呢間西班牙 Restaurant & Bar，既可飲酒又可以食西班牙菜！前菜就叫咗Spicy Baby Pork Rib，極級推薦！Pork Rib燒香而上面放滿辣粉食落好香口，入面嘅肉質嫩滑，送酒一流！主菜要咗個黑松露野菌意大利扁麵，黑松露味算露濃郁，每條扁麵掛汁力強每條都掛滿黑松露汁，除黑松露廚師仲加咗牛油同蒜蓉，味道豐富， 意粉軟硬適中，而且份量都幾多，一碟2個女仔食都夠！嚟到西班牙酒吧當然唔可以錯過Sangria，朋友叫咁杯white Sangria， 呢杯以白酒為主，再配唔同水果，飲落酸酸甜甜，淡淡酒香！另一杯就rose sangria，第一啖有啲似藥水，但慢慢就幾鐘意佢嘅果香， 2 杯觀肉桂味都幾重！甜品就叫咗意大利藍莓雪糕脆餅，外層脆餅其實係威化餅，同雪糕都幾夾，中和咗雪糕嘅甜味，作呢餐嘅完結😝playa de papagayo🌟尖沙咀河內道5號普基商業中心