影片
更多
2021-06-15
198 瀏覽
身住將軍澳，去海邊途中成日經過呢間餐廳，餐廳有兩個出口，一個出口向着街道，另一個出口就係喺商場入面。只要沿着去Donki路上就會見到間餐廳，裝飾非常有質感，行外國時尚風。餐廳面積寬大，主要係梳化位，即使多個都可以安排一枱，開放式廚房，客人可以見到廚師喺廚房入面忙碌，整體環境非常乾淨，每台都會有鮮花裝飾，喺小細節上已經令客人感到舒服。8-hour slow-braised lamb shank $228羊膝肉香而不羶，慢煮令到羊肉又腍又滑，進食時輕鬆地將羊肉同骨頭分開，再加上有顆粒感嘅薯蓉一同放入口，真係大滿足。當日所有嘅朋友都對羊膝讚口不絕。Gilled spring chicken $158燒春雞一上枱就收到朋友嘅歡呼，因為擺盆有心機，絕對叫相機食先，餐廳將雞件重疊再放上唔同嘅裝飾，並且有青豆作為伴碟，平衡蛋白質同澱粉質嘅吸收，雞髀非常嫩滑多汁，醬汁亦都香濃開胃，令人吃不停口。Seared salmon steak with seafood $188三文魚扒就係三道餸入邊較為平實嘅一道菜，可以稱讚之處就係三文魚扒分量十足，外皮煎到香脆，配上啲小青口熬製而成嘅海鮮汁，亦都好快比朋友們清
8-hour slow-braised lamb shank $228
羊膝肉香而不羶，慢煮令到羊肉又腍又滑，進食時輕鬆地將羊肉同骨頭分開，再加上有顆粒感嘅薯蓉一同放入口，真係大滿足。當日所有嘅朋友都對羊膝讚口不絕。
Gilled spring chicken $158
燒春雞一上枱就收到朋友嘅歡呼，因為擺盆有心機，絕對叫相機食先，餐廳將雞件重疊再放上唔同嘅裝飾，並且有青豆作為伴碟，平衡蛋白質同澱粉質嘅吸收，雞髀非常嫩滑多汁，醬汁亦都香濃開胃，令人吃不停口。
Seared salmon steak with seafood $188
三文魚扒就係三道餸入邊較為平實嘅一道菜，可以稱讚之處就係三文魚扒分量十足，外皮煎到香脆，配上啲小青口熬製而成嘅海鮮汁，亦都好快比朋友們清光。
不得不提，場內嘅員工服務態度一流，一餐落黎接觸過既員工睇落後生，但態度專業友善，做野交代清晰，好抵讚。
而餐廳一向只食用花為主題，而所有嘅食物都有心機咁裝飾上碟，每次食物上枱都充滿驚喜。
推薦指數：⭐️⭐️⭐️⭐️⭐
️💡注意：餐廳食物份量適中，對女仔嚟講夠食，但係大胃男士應該差少少喇，可能要再叫杯嘢飲或者甜品填肚😂
張貼
