金記小食酸辣粉

營業中

休息中

今日去朋友屋企打機，上去之前就買啲食物一齊食，知佢鍾意食辣就係呢間酸辣粉鋪揀咗幾樣嘢上去。麻辣燙揀左海帶，香腸，魚蛋，牛丸同貢丸等等，大雜燴咁好滿足，麻辣勁十足，又辣又想食，加錢仲可以配薯粉，口味同返中國食嘅一樣，好好食。酸辣粉酸辣粉非常煙韌彈牙；上面嘅花生同配菜同肉碎，令口感同味道都更加豐富，店主仲特登問我可以食到幾辣，呢度嘅辣真係夠過癮，香濃惹味，酸味又夠，仲要份量十足，推介。最佳配搭經典車仔小食，香港而家都唔係咁易搵到，難得見到一定要試試，有蘿蔔，豬紅，韭菜同豬腸。蘿白吸晒汁，甜又多汁，好味。韭菜豬腸同豬紅真係好夾，又香又邪惡 正呀！涼拌青瓜青瓜夠爽夠脆，涼浸浸夠開胃。呢到仲有好多港式小食，碗仔翅，生菜魚肉，燒賣等等，愛辣嘅又有麻辣小食，泡椒食物，真係夜訓人同愛辣人嘅福音，要再encore！