影片
更多
2022-09-24
84 瀏覽
餐廳最初位於中環，餐廳老闆為咗能與愛蠔之人有個地方繼續聚首，於是輾轉開到上環文咸西街，同老闆傾開，佢地嘅宗旨係為顧客帶嚟世界各地最頂級嘅生蠔，並教育佢哋最安全嘅食法，老闆介紹咗英國開蠔法，會將帶子位切開後將原隻生蠔反轉，因為通常蠔嘅底部比較易感染，反轉咗之後就可以確保新鮮，細緻到連開蠔都咁講究，睇嚟今晚無去錯地方。先嗌兩杯酒熱吓身先，BLACK COTTAGE SAUVIGNON BLANC 酒體呈淡黃色。充滿新鮮醋栗、百香果、青蘋果、柑橘同香草嘅意味，帶有清爽嘅餘韻。MANZONI MOSCATO ROSE NV，呢款玫瑰氣泡酒最早誕生於1900年代初，係全球最暢銷嘅氣泡酒品牌，入口甜滑高雅，口感圓潤，以玫瑰嘅香氣為特徵，香氣持久，伴隨著櫻桃、成熟柑橘嘅果香同鼠尾草嘅辛辣味，味道層次豐富細緻。第一隻係日本蠔，蠔味比較清淡，口感清爽，作為開頭就最好不過。第二隻係 Saldanha Bay，嚟自南非薩爾達尼亞灣，薩爾達尼亞灣三面環海且水質清澈，出產嘅野生生蠔自然肥美厚肉，蠔味較為淡口，海水味淡但清甜，肉質爽脆，餘韻甜味豐富。第三隻係 Sentinelle，嚟自法國西南部嘅 Marenne
餐廳最初位於中環，餐廳老闆為咗能與愛蠔之人有個地方繼續聚首，於是輾轉開到上環文咸西街，同老闆傾開，佢地嘅宗旨係為顧客帶嚟世界各地最頂級嘅生蠔，並教育佢哋最安全嘅食法，老闆介紹咗英國開蠔法，會將帶子位切開後將原隻生蠔反轉，因為通常蠔嘅底部比較易感染，反轉咗之後就可以確保新鮮，細緻到連開蠔都咁講究，睇嚟今晚無去錯地方。
先嗌兩杯酒熱吓身先，BLACK COTTAGE SAUVIGNON BLANC 酒體呈淡黃色。充滿新鮮醋栗、百香果、青蘋果、柑橘同香草嘅意味，帶有清爽嘅餘韻。
MANZONI MOSCATO ROSE NV，呢款玫瑰氣泡酒最早誕生於1900年代初，係全球最暢銷嘅氣泡酒品牌，入口甜滑高雅，口感圓潤，以玫瑰嘅香氣為特徵，香氣持久，伴隨著櫻桃、成熟柑橘嘅果香同鼠尾草嘅辛辣味，味道層次豐富細緻。
第一隻係日本蠔，蠔味比較清淡，口感清爽，作為開頭就最好不過。
第二隻係 Saldanha Bay，嚟自南非薩爾達尼亞灣，薩爾達尼亞灣三面環海且水質清澈，出產嘅野生生蠔自然肥美厚肉，蠔味較為淡口，海水味淡但清甜，肉質爽脆，餘韻甜味豐富。
第三隻係 Sentinelle，嚟自法國西南部嘅 Marenne Oleron，係法國推出嘅新蠔款，約養兩年，帶子位鮮甜而肉厚，蠔肉清淡而有鮮味。
Roland Lambert，法國 Lambert 林柏特生蠔曾榮獲法國農業博覽會 2015 年金獎，含豐富礦物味，肉質結實肥厚，蠔味細膩而充滿層次，海水味適中，喺口中緩緩釋出嘅礦物味令人驚艷。
Ancelin法國安莎蓮蠔嚟自法國南部地區，係深海水域嘅蠔種，蠔殼呈珍珠白色，肉質結實，入口帶有濃郁嘅海水鹹鮮味同礦物味，但咬破蠔肚之後就會覺得清甜爽口，裙邊和蠔身比較爽滑彈牙，
Ostra Regal，法國皇御蠔，受歡迎程度媲美Gillardeau嘅皇御蠔，屬於法國家族品牌嘅生蠔，會先喺愛爾蘭西北部嘅登納格爾灣養殖兩年，再運去法國中部班諾灣繼續養殖，結合兩國之魂，並為皇室指定生蠔。蠔身飽滿，肉質肥美，甘甜帶海水味而層次豐富，帶有淡淡嘅果香，係完美結合咗海鮮甜味同和海水咸味嘅一隻蠔種。
酥炸忌廉芝士粒，忌廉芝士粒炸得香脆，內裏芝士軟滑濃稠之餘，芝士質素之高亦非坊間一般餐廳可比，一口一啖，送酒一流。
西班牙伊比利亞豬扒配季節蔬菜及燒汁，西班牙伊比利亞豬種豬味果然不同凡響，我最鍾意連埋豬扒邊緣嘅脂肪一齊食，豬味層次更加濃厚。配菜有薯蓉同埋炒雜菜，炒雜菜以少許茄蓉調味，同豬扒相當配襯。
張貼
