深宵食堂 (已結業)

經過咗一日嘅工作，都已經幾夜啦.....辛苦咗成日之後，真係唔想每晚都行去M記食個hamburger食個薯條就算數，於是就約埋幾個friend一齊嚟尖沙咀嘅深宵食堂食啲嘢啦，順便傾下閑計！！既然叫得深宵食堂，當然營業時間都要比一般嘅餐廳要長啦…平時深宵食堂都開到凌晨嘎，系一個嚟食宵夜嘅好去處！~！~兩個人叫咗都幾多嘢食吖·~咁多野食人均先200蚊左右，真係夠曬抵食啦！芝士蚧肉玉子味道可以話一流吖！！！呢個可以算系深宵食堂入邊最出名嘅食物。長方形嘅玉子面用茄汁寫咗深宵兩個字，店員會幫我地切開玉子，玉子入邊除咗有蛋汁滲出嚟之外，仲有我最愛嘅芝士，系半融狀態嘅~~~~玉子入口嫩滑，而且芝士味非常濃郁，而且入面仲有蚧肉，令到玉子嘅味道變得更加鮮....燒茄子有蒜蓉同埋川式兩種口味可以揀，因為之前都未試過川味茄子，所以我地就揀咗呢款啦，成條茄子開邊之後再鋪上一層肉碎同埋一啲調味料拿去燒。茄子嘅油唔多，入口微辣，而且因為肉碎好多，所以口感好豐富！！！冰燒菠蘿，好特別，第一次食。就系燒好再雪凍嘅菠蘿，串埋一齊嚟食。上邊仲有話梅粉，又可以清熱，食得太飽就一定要試下呢個啦！粟一燒，啲燒烤汁嘅味道真係好正