Panash (已結業)

今日同朋友係尖沙咀行完街,七點幾過嚟食飯,都唔駛等位,我地兩個人叫左兩個set dinner,一個帶子黑松露扁意粉,另外一個係bbq汁燒豬仔骨配薯菜,首先上左餐包,雖然話呢度d麵包係好食,但唔知係咪因為送0既關係,d麵包只係微暖同埋好"un",食左一舊就算,之後再飲意大利雜菜湯都幾好飲,有好香香草味,朋友要左忌廉湯,冇聽到話唔好飲,應該都ok0既,主菜上場,帶子黑松露扁意粉份量勁少,雖然帶子都有七,八粒,但係d意粉真係少得離譜,一個女仔食都唔夠la,仲收到咁貴,不過味道就真係幾得,好creamy,好好食,之後再食bbq汁燒豬仔骨配薯菜,呢個即係ribs囉,但係冇乜味同埋好"鞋",如果唔係有個bbq汁都好難"啃",最後有甜品同餐茶奉送,但個甜品簡直不值一提,只係一pat cream,味道就係以前細個食的生日蛋糕咁,好求其囉,不過我覺得呢度d set din 唔應該收得咁貴,就算收得貴起碼比番應有0既份量嘛.