IKI Teppanyaki Bento (已結業)

  今日同男朋友在荃灣看完電影後，兩個人膽粗粗來到依間餐廳食日本鐵板燒。一踏入門口，即有侍應走到面前熱情招待帶我們入坐。餐廳環境很好，坐位好大、好舒適。我叫了一個龍蝦鐵板燒套餐，有龍蝦、鵝肝、大蝦、三文魚、牛柳粒 份量合理，另加套餐小食鳥冬及一個大蕃茄。  鐵板燒的鵝肝好好食，同我在日本食的鵝肝味道相同，正！蝦好大隻食落去幾爽同幾彈牙，三文魚的熱度剛好，唔會太油，都唔錯，龍蝦一般般可以接受，唯獨是牛柳粒煮得太熟，唔夠軟身。  大蕃茄是這餐的焦點，好有驚喜，相貌不錯，而且好好食,蕃茄甜甜地，豉油汁的味道亦不會蓋過蕃茄味，味道配合得很好。我同男友對今餐都很滿意會再來。