王將精點 (已結業)

尋晚陪妹妹去整牙，由7點整到差不多10點。餓到一個點，求其經過咩就買咩食啦。見到間點心店有蒸飯，d點心又ok, 仲傳出勁香味道，就食佢本身諗住堂食既，但妹妹話坐得唔舒服，買番屋企食好過我地一人點左一個飯，妹妹點左呢個蟲草蒸雞飯嘩 d蟲草重手到～～蟲草爽口味香，同雞件一齊蒸，飯沾左雞油既香，好正！我就揀左蝦醬豬頸肉～雖然賣相普通，但係超香超好味蝦醬香味落哂d飯到，啖啖蝦香好味道！呢個黑松露餃夠哂特別之前係某間酒店既中菜廳都食過類似。老實講，呢間好味過酒店！黑松露味重，味道適中，唔會有膩既感覺我中意加埋雲耳絲口感好好呢個好似腸粉又好似炸腸既東西腸粉好細滑入面既油炸鬼仲脆的，中間既蝦滑加埋爽口既蟹子粒粒，成件事就好夾真係好好味相比之前兩個點心，呢個蒜蓉雞翼就不過不失，ok 啦經典咖哩魷魚呢個都好味魷魚彈牙，豆腐卜入味，唔錯！呢間係街邊求其揀既點心店，主要做外賣生意，亦有少量堂食座位；佢既食物質素絕對係令我有意料之外既感覺，有誠意，而且係性價比高之選，值得一試！