初鮨 (已結業)

今日工作關係出到旺角區，朋友知道我鍾意食日本菜，就介紹我去食呢間初鮨，話高質兼抵食！好老實，我第一時間就諗，旺角區真係出到好嘅日本菜！？但係呢位朋友都算識食，所以就信佢一次，踩上門試下呢間新開日本菜！一出𨋢，門面裝修好靚，因為夠高，所以可以俯瞰成個旺角鬧市，料理枱清潔光猛，唔講以為去左中環食飯睇一睇menu，嘩，午市有omakase，仲要只係三百幾蚊起，唔怪得朋友話好抵食！不過時間關係，今日就食個刺身飯先，睇下D魚生靚唔靚，靚嘅話下次先黎omakase。先黎前菜，有漬物、沙律、麵豉湯、茶碗蒸，茶碗蒸最突出，蛋滑味濃，蛋面佈滿蟹肉，十分滋味！食完前菜當然到主菜- 特選刺身飯。飯不止普通日本米，所用的飯是大廚混米而成，每款刺身都很新鮮，而且份量十足，超過十款刺身，件件都大大件，真係老友所講，抵食兼高質！食完當下立即決定，下次要再黎試埋個omakase，就咁話！