炎鳥羽

營業中

休息中

今日去到厚福街果度搵食，見到呢間炎羽鳥好似幾高質咁，即刻上去試下先。 一上到去見到佢個門口充滿日式風格，應該係設計既時候落左唔少心思。🟣 木綿豆腐胡麻菠菜沙律作為前菜佢十分稱職，好FRESH 好開胃。胡麻醬+凍豆腐幾時都係咁好味。🟠 油甘魚刺身夠晒厚身，一咬落去口感飽滿，又有油甘魚的香味，夠新鮮，唔錯。🟢 紫菜魷魚鬚天婦羅一炸起就上菜，所以夠晒熱辣辣，咬既時候脆卜卜好清脆既聲，忍唔住一條一條咁食，送酒一流。🟡 雞肉棒啖啖雞肉，而且十分入味，撈埋係隔離既生蛋汁，好夾!🟠美國安格斯牛柳粒我地叫左5成熟，牛味好濃，食完有啲唔夠喉添。🔴燒青椒夠晒香，都係送酒必備🤤🤤🤤🤤🔵海膽海鮮炒飯佢地既海膽都真係俾咗好大pat，而且唔腥，炒飯亦粒粒分明 ，食埋個炒飯就真係夠晒飽，大家嚟到都可以試吓。⚫飲品，我哋叫咗烏龍茶燒酌 & 蘋果汁，烏龍茶燒酌個酒味都幾濃。