真妮 (已結業)

因為覺得超級好食,所以忍唔住要第一次寫食評。住開寶琳都知商場雖則好多食肆，但其實全部都係大集團。。。今日難得同老公落街食lunch，但完全唔知食咩好既狀態下，我話不如食E間。平時經過都無咩客，今日應該都唔洗等位。去到即入座，坐低自助qr code落單。見到價錢好似都貴貴地，但難得一齊食lunch,我就唔理咁多。野食好快上黎，由於我平時無打開食評，無相機食先既習慣，所以我係完全無影過相～］叫左1個有燒焦芝士洋蔥手打牛肉漢堡和大啡菇素食漢堡。燒焦芝士外脆內軟，加上洋蔥和慢煮手打牛肉,好juicy, 生菜亦非常新鮮，整體就是非常好食，口感有層次。大啡菇就又香又非常多汁，唔講就會以為食緊牛肉，都係非常好味。值得一提的是熱奶茶，這裡的熱奶茶好飲過好多餐廳，又大杯，又跟餐。價錢方面，其實2個人$154，對比埋食物質素和服務，食完就會覺得物超所值。食完好滿足，返到屋企仲講話下次再去。下次去就要記得影相，再打一篇食評。