影片
更多
2010-03-14
27 瀏覽
Dimpal Fushion and Pizza house考試忙了一段時間, 一輪冇寫Blog同埋食評, 睇來又有一排要忙住補返D資料啦.今日同石公主(石太要求的稱號!)本來想去官涌街市買豆腐, 無啦啦石公主想起朋友介紹係廟街近柯士甸道附近有間印度餐廳好似幾好味, 於是小石頭伉儷想先去探下情況. 點知就咁就入左去食Lunch, 原先想自己煮o既豆腐蝦仁唯有等到晚餐先算.去到門口睇到D食物介紹, 係印度咖哩同埋少有既Pizza. 於是石公子(本來想改王子襯返石太o既, 搞到自己都想嘔, 於是就改為公子!)就二話不說就衝左入去! 入到去發現可能早得滯, 得我地兩個客. 環境唔錯, 可能原身係酒吧o既關係, 有個吧臺保留下來. 睇返手寫o既 Set Lunch Manual, 決定試下個烤雞Pizza同埋咖哩牛肉飯.個Pizza真係好好味, 上面材料新鮮多汁, 特別係個烤雞重係幾嫩滑, 真係估唔到係印度餐廳食到咁好味o既Pizza. 個咖哩小石頭就覺得牛肉少D(得4塊)同埋少左D咖哩味, 不過牛肉好琳好香牛肉味但係又冇牛騷味. 個飯就比較硬身, 但係配埋D咖哩汁就剛剛好, 如果唔夠硬身加左
Dimpal Fushion and Pizza house
考試忙了一段時間, 一輪冇寫Blog同埋食評, 睇來又有一排要忙住補返D資料啦.
今日同石公主(石太要求的稱號!)本來想去官涌街市買豆腐, 無啦啦石公主想起朋友介紹係廟街近柯士甸道附近有間印度餐廳好似幾好味, 於是小石頭伉儷想先去探下情況. 點知就咁就入左去食Lunch, 原先想自己煮o既豆腐蝦仁唯有等到晚餐先算.
去到門口睇到D食物介紹, 係印度咖哩同埋少有既Pizza. 於是石公子(本來想改王子襯返石太o既, 搞到自己都想嘔, 於是就改為公子!)就二話不說就衝左入去! 入到去發現可能早得滯, 得我地兩個客.
環境唔錯, 可能原身係酒吧o既關係, 有個吧臺保留下來. 睇返手寫o既 Set Lunch Manual, 決定試下個烤雞Pizza同埋咖哩牛肉飯.
個Pizza真係好好味, 上面材料新鮮多汁, 特別係個烤雞重係幾嫩滑, 真係估唔到係印度餐廳食到咁好味o既Pizza.
個咖哩小石頭就覺得牛肉少D(得4塊)同埋少左D咖哩味, 不過牛肉好琳好香牛肉味但係又冇牛騷味. 個飯就比較硬身, 但係配埋D咖哩汁就剛剛好, 如果唔夠硬身加左汁就會琳得滯. 小石頭覺得辣度唔夠, 下次要問下可唔可以加辣, 但係石公主就好鍾意話女仔比較o岩食.
個餐包埋湯同埋野飲, 唔收加一. 今次餐湯係羅宋湯, 唔太濃好似好清! 咖啡幾濃郁都唔錯, 下星期決定約埋幾個Friend試多D野先.
張貼
