方圓麵館

很久冇特別影相寫食評，話說琴日去完明星買咸香糕食，正準備撘車返家煮飯食， 路經方圓麵館， 好奇心下望到門口貼住麻辣三鮮粉麵，以前路過都好少係呢邊食野， 因為好似冇咩吸引， 加上之前睇過d 食評， 佢人流又唔太多，所以一直都冇試過。

我叫左bb 辣三鮮麵 揀左爽爽麵，一邊睇餐牌，一邊等食物， 佢標榜自己冇味精都好好味， 所以等既期間都好期待。

登登登登～ 食物來了，嘩好吸引我，因為d 餸全部都係我鐘意食既野， 我覺得好滿足呀，
有金菇、豆卜、蝦、花甲 同埋魷魚

我覺得好好味， 夠味，好清甜d 花甲， 會介紹朋友再黎， 所以我強烈地推介值得一試

$60