影片
更多
2022-04-29
117 瀏覽
置樂附近一向都多特色餐廳，今次呢間日本餐廳更係有驚喜。食物好高質，而且價錢仲好親民，可能主要做街坊生意。先叫左個牛油果三文魚沙律，份量足夠3-4人食。三文魚好厚好肥美，蟹籽又多又有咬口。牛油果同沙律菜都新鮮。精選壽司拼盤12件之後就開始重頭戲，12件由廚師發辦既壽司，用左九宮格裝住，貌相超吸引，全檯人見到都哇一聲！有海膽、拖羅、三文魚、帶子、八爪魚等等既壽司。d刺身夠新鮮同肥美厚身，而且夠新鮮。陶板燒牛舌燒牛舌好厚身，大約半cm厚，咬落幾爽口彈牙。 海膽甲羅燒海膽好鮮甜，甲羅燒好香濃蟹膏味，2樣加埋好夾！雜錦天婦羅 配蕎麥麵雜錦天婦羅有 2件大蝦、帶子、南瓜、番薯、冬菇同粟米仔。天婦羅做得幾出色，炸粉好輕簿，而且一d都唔油膩，仲香脆。帶子天婦羅比較少見，帶子炸完仲好有鮮味，好想食多粒！日式鰻魚炒飯見到隔離檯食緊好吸引，所以我地都叫左黎試下。果然無失望，鰻魚肉質好彈牙，應該係品種唔同，炒飯用左醬油去炸，所以好香醬油味。炒飯都有3-4碗份量。餐廳環境雖然唔大，但座位間都夠闊。門口仲掛住多個燈籠，好有日本feel！呢間絕對可以再encore既餐廳！
食物好高質，而且價錢仲好親民，可能主要做街坊生意。
先叫左個牛油果三文魚沙律，份量足夠3-4人食。
三文魚好厚好肥美，蟹籽又多又有咬口。
牛油果同沙律菜都新鮮。
精選壽司拼盤12件
之後就開始重頭戲，12件由廚師發辦既壽司，用左九宮格裝住，貌相超吸引，全檯人見到都哇一聲！
有海膽、拖羅、三文魚、帶子、八爪魚等等既壽司。
d刺身夠新鮮同肥美厚身，而且夠新鮮。
陶板燒牛舌
燒牛舌好厚身，大約半cm厚，咬落幾爽口彈牙。
海膽甲羅燒
海膽好鮮甜，甲羅燒好香濃蟹膏味，2樣加埋好夾！
雜錦天婦羅 配蕎麥麵
雜錦天婦羅有 2件大蝦、帶子、南瓜、番薯、冬菇同粟米仔。
天婦羅做得幾出色，炸粉好輕簿，而且一d都唔油膩，仲香脆。
帶子天婦羅比較少見，帶子炸完仲好有鮮味，好想食多粒！
日式鰻魚炒飯
見到隔離檯食緊好吸引，所以我地都叫左黎試下。
果然無失望，鰻魚肉質好彈牙，應該係品種唔同，炒飯用左醬油去炸，所以好香醬油味。
炒飯都有3-4碗份量。
餐廳環境雖然唔大，但座位間都夠闊。
門口仲掛住多個燈籠，好有日本feel！
呢間絕對可以再encore既餐廳！
張貼
