影片
更多
2020-03-11
1093 瀏覽
是日公司要放No Pay Leave, 咁岩朋友仔又要響荃灣辦小小事. 而我同佢都算係小籠包愛好者. 於是就揀左食評較高既龍門一番.黎到既時間最初都無乜食客, 我同朋友係第二台. 但令我驚訝既係估唔到到我地走既時間都有8成入座率, 因為佢既位置其實係辦公室大樓既Lobby果層, 我地仲估計星期一呢種閒日應該唔會太多人.首先一入座既時候侍應哥哥都好好招呼, 會先俾我地揀自己想飲既茶包. 我地揀左人參烏龍茶 - 味道唔錯.之後就係想食既野, 可惜叫錯左一樣, 本身應該唔係天使魔鬼小籠包, 而係龍蝦湯包. 不過下次可以再試.先黎上海菜不能少既酸辣湯 - 水準唔錯, 不過可以再辣小小.涼拌雞絲粉皮 - 爽口, 皮唔會太黏, 花生醬味濃, 唔錯賽螃蟹 - 蝦唔會太淡, 蛋白夠滑, 呢個菜式係呢晚最好味既.藍梅醬淮山 (芒果醬底) - 呢一味比較似甜品多過涼菜, 味道都算夾, 不過要快食, 因為室溫下D醬會慢慢溶, 變得滑潺潺.梅菜炒年糕 - 味道論中, 但係會覺得較為乾身左小小.原味小籠包 - 小籠包既薄皮同鎖住湯汁都做到, 不過對於我同朋友黎講湯汁同肉味道就太濃. 因為印象中所食既小籠包湯汁
黎到既時間最初都無乜食客, 我同朋友係第二台. 但令我驚訝既係估唔到到我地走既時間都有8成入座率, 因為佢既位置其實係辦公室大樓既Lobby果層, 我地仲估計星期一呢種閒日應該唔會太多人.
首先一入座既時候侍應哥哥都好好招呼, 會先俾我地揀自己想飲既茶包. 我地揀左人參烏龍茶 - 味道唔錯.
之後就係想食既野, 可惜叫錯左一樣, 本身應該唔係天使魔鬼小籠包, 而係龍蝦湯包. 不過下次可以再試.
先黎上海菜不能少既酸辣湯 - 水準唔錯, 不過可以再辣小小.
涼拌雞絲粉皮 - 爽口, 皮唔會太黏, 花生醬味濃, 唔錯
賽螃蟹 - 蝦唔會太淡, 蛋白夠滑, 呢個菜式係呢晚最好味既.
藍梅醬淮山 (芒果醬底) - 呢一味比較似甜品多過涼菜, 味道都算夾, 不過要快食, 因為室溫下D醬會慢慢溶, 變得滑潺潺.
梅菜炒年糕 - 味道論中, 但係會覺得較為乾身左小小.
原味小籠包 - 小籠包既薄皮同鎖住湯汁都做到, 不過對於我同朋友黎講湯汁同肉味道就太濃. 因為印象中所食既小籠包湯汁都會係清淡小小.
天使魔鬼小籠包 - 感覺上係用料既唔同, 不過湯汁同肉都係比較濃.
.
總括黎講價錢同食物質數都係正面既評價, 唯一希望有多個淡味既小籠包選擇.
張貼
