麥當勞 (廣發大廈)

營業中

休息中

呢日早左放學，就黎食個早餐啦。咁有優惠券，就平平地食個豬柳漢堡餐飲杯奶茶。豬柳漢堡香煎既豬柳配上微溶既芝士，味道無可能唔好食既。而且個包整好，熱辣辣，真係幾好食架。而且個包都算整得好食，都係我估唔到既。薯餅呢個就無乜特別既，勝在新鮮炸既薯餅。入口係好脆架。奶茶呢個環節係令我喜出望外既，一飲啖奶茶。就覺得茶味香濃，飲落係唔鞋口既。真係好耐無飲過咁好飲既奶茶，真係可以同茶餐廳媲美。所以令到我飲多杯，因為真係好正。呢個早餐真係有驚喜既一餐，呢度既奶茶真係幾好飲，真係連我都估唔到。