相馬日式火鍋 (已結業)

前兩日有同事介紹呢間相馬火鍋店俾我，話呢度啲嘢食質素好唔錯，全部都係新鮮食材，仲要任飲任食🤭兩小時放題只需要$258，仲有大量嘅海鮮同進口牛，選擇多，所以決定今晚過嚟食🥢入到嚟環境真係好唔錯，簡單舒適，地方闊落，梳化夠大張，坐得舒服😌海鮮拼盤，我最鍾意食嘅虎蝦🦐，隻隻都非常新鮮而且夠大隻，肉質爽口彈牙，十分鮮美，食得出真係真材實料👍而且拎左好多蜆，蜆肉好厚身，粒粒都洗得好乾淨冇沙，食落去口感充滿鮮甜，食咗好多😋😋另外呢度仲有好多菜嘅選擇，我自己都非常之滿意，同埋我自己都幾鍾意食菜，所以我都出去攞咗三四次菜食。呢間餐廳食物質素高，呢個價錢黎講絕對超值！