Monteverdi Restaurant and Bar (已結業)

中環午餐有好多選擇，朋友話揀好間意式菜帶我食，唔駛諗食咩真係天底下最幸福嘅事。Grilled rib-eye steak served w/ grilled veg with black pepper sauce $198叫咗medium，切開都見到粉嫩色，軟腍有肉香，加埋豐富嘅蔬菜，營養均衡。Roasted chicken w/ aromatic herbs $178有半隻焗雞同不同蔬菜，雞肉睇落乾身，點知入口完全兩回事，一啲都唔乾仲有肉香，同樣有唔同類型嘅蔬果。Soup of the day飲落有啲似粟米湯，都幾特格。Salad of the day有菜、紅蘿蔔、青瓜、番茄及鴨胸肉，顏色豐富。香草麵包一坐低就有麵包食，檯面仲會放支橄欖油同黑醋，可以沾少少一齊食。Dessert 滑溜嘅奶凍有少許香草，一個只得幾啖唔夠喉。Coffee飯後一杯啡，為下半場工作做足準備。環境cozy且有親切感，店員友善，整體都好滿意！餐牌好多選擇。