Little Mario's Pizzeria (Life@KCC ) (裝修中)

鯷魚薄餅，配料份量十足，包括有鯷魚、酸豆、橄欖、莫扎里拉芝士、香草；薄底餅底採用無蛋麵粉製作，食落更健康，口感更外香脆、內煙韌；鯷魚味道偏鹹、香口、有鮮味；芝士拉絲效果突出，味道香鹹。青醬意粉，青醬以蒜泥、羅勒、松子製成，長通粉表面亦鋪上不少芝士、松子，配上橄欖油食用，經典嘅青醬味道；長通粉軟硬適中。蜜糖柚子雞翼，雞翼表面淋上左味道香甜嘅柚子醬、蜜糖，整體味道甜而不膩；雞翼肉汁飽滿，肉質鮮嫩；加入檸檬汁味道上更清新。蜜糖青檸，味道清香、酸甜，飲落好清爽。熱朱古力咖啡，採用智利咖啡豆，咖啡堅果味濃厚，奶味香濃，整體朱古力、咖啡味道上好平衡，飲落香醇、濃滑。