影片
更多
2009-05-06
12 瀏覽
尋晚(5-5-2009 Tue)同男友o係北角食完小食後,就等o黎呢o度食buffet,同男友媽全家為慶祝佢姑媽生日.我o地只知約o左8:15pm同粵華酒店食,唔知邊間.大部份人o黎到,原來我o地係o黎食日式放題,啊.我o地一共十三人o黎食,坐o係用五張二人枱同一個四人卡位組成,好長.我o地有理冇理係咁填紙仔order o野食,由於唔係我填,所以唔係好記得o野食o既正確名稱.交o左紙好快就有o野食.特出o既有:1.蜜汁燒牛扒呢個真係好味,肉又鬆軟又多汁,蜜汁又唔係好甜,推介.2.手卷我冇食到,男友讚啲醋飯醒胃,飯粒又軟硬適中.3. 南瓜天婦羅南瓜夠甜,粉漿唔厚,好味.4. 炸雞軟骨鹹淡適中又脆口.5. 枝豆呢個加o左鹽灼熟,令枝豆帶適中o既鹹味,好味.6. 綠茶同芝麻雪糕綠茶味微苦,芝麻味好濃.正常o既有:1. 炸雞,肉唔’鞋’,可以o既.2.串燒雞腎,亦係香脆3.洋蔥炒牛肉,呢個比蜜汁燒牛扒遜色.4.牛油炒雜菌,上枱時嗅到好香牛油味,食落就淡淡.美中不足:1. 刺身種類都多,重有希靈魚.呢啲樣樣都算新鮮.2. 壽司,我都冇食到,呢個我冇聽到話好唔好食,但帶子壽司賣相就有啲搵笨.3.
大部份人o黎到,原來我o地係o黎食日式放題,啊.我o地一共十三人o黎食,坐o係用五張二人枱同一個四人卡位組成,好長.
我o地有理冇理係咁填紙仔order o野食,由於唔係我填,所以唔係好記得o野食o既正確名稱.交o左紙好快就有o野食.
特出o既有:
1.蜜汁燒牛扒
呢個真係好味,肉又鬆軟又多汁,蜜汁又唔係好甜,推介.
2.手卷
我冇食到,男友讚啲醋飯醒胃,飯粒又軟硬適中.
3. 南瓜天婦羅
南瓜夠甜,粉漿唔厚,好味.
4. 炸雞軟骨
鹹淡適中又脆口.
5. 枝豆
呢個加o左鹽灼熟,令枝豆帶適中o既鹹味,好味.
6. 綠茶同芝麻雪糕
綠茶味微苦,芝麻味好濃.
正常o既有:
1. 炸雞,肉唔’鞋’,可以o既.
2.串燒雞腎,亦係香脆
3.洋蔥炒牛肉,呢個比蜜汁燒牛扒遜色.
4.牛油炒雜菌,上枱時嗅到好香牛油味,食落就淡淡.
美中不足:
1. 刺身種類都多,重有希靈魚.呢啲樣樣都算新鮮.
2. 壽司,我都冇食到,呢個我冇聽到話好唔好食,但帶子壽司賣相就有啲搵笨.
3. 蝦天婦羅
粉漿一樣唔厚,但裡面o既蝦唔係幾得,佢唔係’梅’,但又唔係爽.
4. 香煎同炸多春魚兩樣,好似有啲鯹.
5. 串燒冬菇,幾乾但算腍.
6.金菇牛肉卷,汁多,但我覺得鹹.
7.杏仁糕,杏仁味濃,可惜魚膠粉太多,變得幾實.
8. 鰻魚炒飯,好香濃鰻魚味,汁多.但我覺得過份o左啲.
9.燒青口,唔多夠味.
10. 燒三文魚,冇乜三文魚味.
我冇食到o既有:
洋蔥圈天婦羅,燒秋刀魚,燒芝士腸,洋蔥炒魷魚鬚,炒麵,什菜窩,
燒雞中翼,男友一咬落去即讚好脆,但一路食,就話啲肉好’鞋’,真係’鞋脆’.
刺身沙律,只有兩件刺身仔,有好多o既青瓜絲,唔抵.
其實重有好多o野食,不過我真係飽到食唔到喇.
其他:
差在冇任何醬汁o黎蘸炸物食,攪到乾爭爭,唔好食.
環境:
唔知點解,地板係唔滑o既木板同冇水,都可以好跣,有個客直情跣到跪o左o係地.
收費:成人每位$148.00,小童$98.00.
張貼
