禮 (已結業)

見到餐廳門面幾靚，誤打誤撞，搵到間好嘢。設計好日式，而且餐廳好細心，安排咗衣架俾人掛外套；當見到我哋帶住小朋友，仲借出玩具。 Lunch set嘅選擇都算多，而且價錢合理。同老公叫咗個溫泉蛋豬軟骨同鹽燒清魚定食。豬軟骨煮到好淋身，配上甜甜嘅醬汁，仲有溫泉蛋同蔥香，成個飯嘅口感好有層次。鯖魚唔止外型煎得靚，仲好香脆。佢哋嘅前菜亦都唔馬虎，兩片大大三文魚刺身，柚子味嘅醃蘿蔔，就連茶碗蒸都好足料，麵豉湯又唔會太鹹，好欣賞。我哋另外仲加咗個吉列蝦，唔會好厚粉，即叫即炸，蝦身都好彈牙。最後又點少得甜品呢，我哋加咗抹茶、芝麻同豆腐味雪糕，每一隻味都好濃郁。