Elephant Kitchen

營業中

休息中

放工後，8點幾到呢間餐廳用餐。我地到達門口時，見到有人等緊台，剛好有兩台離開，我地可以立即入座。雖然呢間舖頭也不大，但也算坐得舒適。入座後，我同男朋友點了兩份晚餐，一份炭燒紐西蘭羊柳 及 德國咸豬手。等左一陣先上餐湯及沙津個湯好香濃，如果可以大碗D 就好喇，而沙津也好好味。未到主菜已充滿期待食完後前菜，等多十至十五分鐘，主菜上喇。個豬手燒到個皮脆卜卜，好好味，而且肉也很香口。另外，羊柳食落口不羶也不韌。兩個主菜也配上紫薯泥，香甜又飽肚。而主菜也配上香蒜，將香蒜切小小分與肉一齊食更香口，而且蒜的味道不是很濃很臭的果種味。這一餐沒有期待太多，但意想不到食物質素不錯及價錢不貴，值得去多次試下其他菜式。