雖然本身對燒野食無咩特別喜好,但既然肚餓就即管膽粗粗入去試下
諗住叫碗拉面,店員問我想食濃定淡,我話想食濃O既佢就同我建議左試
黃金拉面-個湯底濃得黎甜甜地,正!
我地亦都叫左佢一D必食O既野,豚腩燒-肉同肥膏一啖放落口O既感覺>V<正
燒飯團-不過不失,飯面上面有D醬汁令到個飯團無咁單調
燒龍蝦-剛好俾我地叫到最後一份,燒得岩岩好,都幾肥美
煎鵝肝多士>O<塊鵝肝厚到令我唔影低佢唔得!淨係聞到佢陣肥膏味已經想即刻放落口!
限定o既串燒什錦-不得不提串燒雞皮,入口即溶,師傅燒得岩岩好
另外仲點左店員推介o既限定燒魚-唔記得左係咩魚喇,但淨係睇賣相都覺得好吸引,d骨好幼,啖啖肉,唔錯!
仲有佢寫住刺身級o既燒帶子,忍唔住又叫左一串試下,都ok甜美
1
另外幾條友叫左支清酒飲,個名幾特別叫上善如水,都幾純容易入口
一班朋友一齊食飯都唔錯,大家share返一個人都係$200左右,同埋氣氛幾好,聚會o既不錯之選
