新麻蒲 BBQ (已結業)

由於之前食過旺角銀行中心嘅「新麻蒲BBQ」嘅午市套餐覺得幾好，所以今晚特意嚟食吓他們嘅晚市燒烤套餐！有每位$168加一「豬，鷄」或每位$218加一「牛、豬、鷄、大蝦等等等等⋯⋯」，由於我們比較鍾意食牛肉，所以我們揀咗$218嗰個，而且仲有一客主食同飲品任飲！用嚟盛載著食材上碟嘅係一個三層高嘅鐵架，而且將所有食材都舖砌得都幾整齊，令到賣相好精緻吸引！大蝦真係好大隻，唔係普通嘅中蝦，而且肉質超爽甜彈牙！豬皮係用咗秘製嘅醬汁嚟醃，醃得好入味，而且質感相當煙煙韌韌，最特別係唔會有好油膩嘅感覺！嫩牛排肉嘅肉質非常軟滑多汁，肉味相當濃郁！頂級芝士豬肉香腸同平日食開嘅唔同，腸皮特別爽口脆身，味道仲有啲香甜，入面仲有啲香濃嘅芝士，真係好正呀！而飲品我們揀咗藍天檸檬汽水，因味道酸酸甜甜，係眾多款飲品之中，比較有味！