大當家粵皇食府 (已結業)

星期六繼續香港好客之道,外地朋友想飲茶,無問題啦!!本來打算同佢地去漢寶皇宮,行過莊士倫敦廣場,樓下好多哥哥姐姐派傳單,見到大當家張傳單印刷精美(職業病也!),睇落比其他傳單有誠意,而且價錢合理,就即場改變主意黎呢間試。電梯門一開,知客小姐已經笑笑口黎招呼,最開心係唔駛等!!!裝修都ok啦,唔係金碧輝煌個d,橙色座椅幾舒服但成日覺得有d似阿活=p叫左好多野食:煎蘿白糕、蝦餃皇、燒賣、素粉果、叉燒包、叉燒腸、鮮蝦腸、煎腸粉、棉花雞同壽包。香片茶: 幾香幾滑,有d酒樓用既茶葉較平,飲完會覺得鞋口,呢度還可以。煎蘿蔔糕: 蘿蔔絲份量比粉多,所以質感幾軟,臘味唔多,唯一缺點係唔夠熱!蝦餃皇:真係幾大隻!一隻蝦餃有三隻蝦,好爽口;最好一樣係蝦仁好乾淨,見唔到個條黑腸,加埋尚算通透蝦餃皮,靚仔丫。燒賣:唔記得係咪燒賣皇,都幾大粒,味道ok,相比蝦餃皇就遜色左喇。素粉果:外觀好靚!粉果皮真係好晶瑩剔透,入面饀料又多顏色,外地朋友話好靚lu,不過味道較淡。叉燒包:一籠三個,都算皮薄饀靚,叉燒唔肥,個汁獻帶甜幾惹味,新加坡朋友狂讚!腸粉:體積比較細,不過饀料唔錯,就其是蝦腸,蝦大大隻又係好爽口!我鐘意個