火鍋煮場 (已結業)

去到深水埗，原本打算叫餸食飯，點知那兩間好出名的都好多人，無位，見對面有間火鍋店，行去睇下，點知佢衣家做緊優惠，個優惠仲竟然係送龍蝦，所以就入去試下，因為天氣真係太熱，唔想再行來行去。我地叫了豬骨湯底，D料都幾足，跟手點了安格斯牛、廣島蠔、手打蝦丸、雲吞、雞子同菜，講到雞子，呢間野都幾得意，有兩種雞子，一種叫農場雞子，另一種叫新鮮農場雞子(我專登影低咗)，我好奇問下個店員，兩隻有乜野分別(最正係一隻叫新鮮，咁另一隻係咪唔新鮮呢？哈哈)一問之下原來其中一隻係火雞雞子，大粒D的。叫了的幾樣野入面，我覺得呢間野D手打蝦丸同雲吞最好食，送的那龍蝦比我想像中大隻，係波士頓龍蝦，真心唔錯。另外佢D啤酒都好好飲，而且仲有買一送一，抵﹗有機會一定再幫趁。