影片
更多
2018-07-23
56 瀏覽
之前曾幫襯過灣仔一間以明信片及航海為主題嘅咖啡店「香港郵意」，覺得地方唔錯，佈置得甚具特色，而且氣氛悠閒，討人喜愛。最近從友人網誌得知餐廳搬咗去尖沙咀漆咸道南，趁這晚有空，就一於相約友人來這裡一聚。新店位於首都廣場 Shopping Mall 二樓，餐廳佔地寬廣，地方非常闊落，足足有成 4000 呎，約有 120 至 130 個座位，空間感十足，最適合同一大班朋友過嚟 Hea下傾下偈。趁時間尚早，人客不多，先在場內走一圈，店內設有一個大木架，上面放滿明信片，林林總總，花款百出，有可愛的、有型格的、有搞笑的、有集體回憶的，款式極多，讓人目不暇給。擺放明信片的位置旁邊設有一個大郵筒，客人可以將即場寫好的明信片投入郵筒內，餐廳會定期代客人把明信片寄出。Cafe 採自助形式，客人可以先細閱餐牌，然後去柜檯落單，店員會附上一個傳呼器，回到座位；等到機響，就可以去取餐區自行提取食物。餐廳設最低消費，不過只係每人一杯飲品，便可以無限時任坐，非常經濟。至於食物方面，其實大部分都係以輕食為主，有 All Day Breakfast、意粉、沙律、薄餅等。飲品方面，除了有意式咖啡同手沖咖啡，另外亦有 Sm
新店位於首都廣場 Shopping Mall 二樓，餐廳佔地寬廣，地方非常闊落，足足有成 4000 呎，約有 120 至 130 個座位，空間感十足，最適合同一大班朋友過嚟 Hea下傾下偈。
趁時間尚早，人客不多，先在場內走一圈，店內設有一個大木架，上面放滿明信片，林林總總，花款百出，有可愛的、有型格的、有搞笑的、有集體回憶的，款式極多，讓人目不暇給。擺放明信片的位置旁邊設有一個大郵筒，客人可以將即場寫好的明信片投入郵筒內，餐廳會定期代客人把明信片寄出。
Cafe 採自助形式，客人可以先細閱餐牌，然後去柜檯落單，店員會附上一個傳呼器，回到座位；等到機響，就可以去取餐區自行提取食物。餐廳設最低消費，不過只係每人一杯飲品，便可以無限時任坐，非常經濟。
至於食物方面，其實大部分都係以輕食為主，有 All Day Breakfast、意粉、沙律、薄餅等。飲品方面，除了有意式咖啡同手沖咖啡，另外亦有 Smoothie、Soda、Pot Tea 等供應。甜品當然亦是亮點，據說店內嘅蛋糕，全部都是自家製的，款式雖然不多，但看起來亦甚吸引。
先嚟兩款主食，包括有黑松露汁雜菌意粉 ($68) 同 All Day Breakfast 全日早餐。意粉用紙兜盛載，點餐時見價錢咁平，初頭還以為會好細份，沒想到原來份量亦不少。意粉口感煙韌，挺有嚼勁，而且醬汁稀稠度亦剛好，加上香氣獨特的黑松露作點綴，味道合拍，吃罷完全不覺膩滯。
All Day Breakfast ($88)，全日早餐用料非常豐富，有德國豬肉腸、牛角包、羅馬茄、羅馬生菜、奶油生菜、煙肉、雜菌及炒蛋等，份量十足！豬肉腸外形粗壯，咬下腸衣薄脆、入口富肉香。牛角包大大個，啖啖鬆軟香脆，酥底食落不會油淋淋，用嚟配鹹香惹味的煙肉和滑溜的炒蛋，口感一流。
甜品同飲品分別點了楓糖果實磅蛋糕 ($38) 同小確幸，蛋糕做得頗有水準，非常足料，濕潤紮實，面頭鋪滿果仁粒，增添咬口，加上濃郁的楓糖味，吃一件已經非常有飽足感，如果用來配搭咖啡或紅茶，相信食味更佳。
至於這杯色彩粉嫰夢幻嘅小確幸 ($48) 其實係 Strawberry and Banana Smoothie，奶昔以新鮮草莓和香蕉調製，既可補充熱量，又有豐富的膳食纖維，味道和口感俱佳！順帶一提，店子不設服務，所以離開前請緊記自行清理杯碟。另外餐廳有原創精品寄賣，食飯之餘，大家亦可以不妨睇睇有沒有心水。
張貼
