影片
更多
2020-12-17
1514 瀏覽
話咁快又到聖誕，最近趕個大project公務繁忙，更加想趁佳節食食食輕鬆一下。呢間鰂魚涌嘅餐廳Campsite，裝潢以Camping為主題，坐落喺商廈K11 Atelier嘅角落，周圍都係綠色植物，兩面落地玻璃，真係有Campsite嘅感覺～餐廳推出聖誕晚市套餐，五道菜$438起，菜品都幾啱食，就book位啦～餐廳位置方便，鰂魚涌站C出口行兩三分鐘就到。室內佈置充滿聖誕氣氛，心情即刻輕鬆愉快～Starter【香橙煙燻鴨胸】第一次食咁厚嘅煙燻鴨胸，鴨胸肉多汁，再加埋鴨皮下面脂肪同下面嘅牛油汁，食落更香口，食埋幾片香橙就唔怕覺得膩滯啦。Appetizer 可以揀【磯煮鮑魚】或【燒釀火雞片】，想嚐鮮又想有聖誕氣氛？why not both，一人一款share最開心。鮑魚大大隻，磯煮嘅醬油咸香味同鮑魚嘅鮮爽味好夾。火雞點cranberry醬係傳統食法，啲聖誕氣氛出晒嚟～餐湯係【香濃蠔湯】口感好creamy，超濃厚鮮蠔味，個湯仲有好多蠔肉，真正啖啖鮮味，好好飲呀～主菜【48小時慢煮牛助骨】上枱時見到件肉黑「掹掹」以為煮到過熟，點知一切開就見到紅潤肉色，一邊切一邊流出肉汁，生熟程度啱啱好，真係慢煮
呢間鰂魚涌嘅餐廳Campsite，裝潢以Camping為主題，坐落喺商廈K11 Atelier嘅角落，周圍都係綠色植物，兩面落地玻璃，真係有Campsite嘅感覺～
餐廳推出聖誕晚市套餐，五道菜$438起，菜品都幾啱食，就book位啦～餐廳位置方便，鰂魚涌站C出口行兩三分鐘就到。室內佈置充滿聖誕氣氛，心情即刻輕鬆愉快～
Starter【香橙煙燻鴨胸】
第一次食咁厚嘅煙燻鴨胸，鴨胸肉多汁，再加埋鴨皮下面脂肪同下面嘅牛油汁，食落更香口，食埋幾片香橙就唔怕覺得膩滯啦。
Appetizer 可以揀【磯煮鮑魚】或【燒釀火雞片】，想嚐鮮又想有聖誕氣氛？why not both，一人一款share最開心。鮑魚大大隻，磯煮嘅醬油咸香味同鮑魚嘅鮮爽味好夾。火雞點cranberry醬係傳統食法，啲聖誕氣氛出晒嚟～
餐湯係【香濃蠔湯】口感好creamy，超濃厚鮮蠔味，個湯仲有好多蠔肉，真正啖啖鮮味，好好飲呀～
主菜【48小時慢煮牛助骨】上枱時見到件肉黑「掹掹」以為煮到過熟，點知一切開就見到紅潤肉色，一邊切一邊流出肉汁，生熟程度啱啱好，真係慢煮先有咁嘅效果。肉質軟腍，肉味香甜仲帶少少回甘，非常高質嘅牛肉，睇返相都真係回味無窮。
【燒黑鱈魚蟹肉莎莎】店員拎上枱途中已經見到魚肉好「動L」。鱈魚肉上面係蟹肉莎莎，側面有海膽醬，全部都係my favorite。黑鱈魚肉滑溜到極致，帶點水潤。蘸海膽醬食，兩種鮮味好夾，同樣突出。
兩道主菜都非常高質。
【甜品】係芝士蛋糕，啱啱焗出嚟所以仲係溫熱嘅，底面都焗到脆脆哋，入面就係暖暖嘅芝士蛋糕，又暖又軟又甜，好窩心嘅感覺。如果個甜品多啲聖誕decoration就perfect啦～
食完甜品就嘆餐茶，隻杯係露營用嘅鐵皮杯，好似喺寒冬中嘅郊外飲熱飲咁，感覺特別溫暖。
餐廳店員亦都幾好客，食到豐盛又開心嘅一餐，Merry X’mas!
張貼
