珍妮曲奇 (已搬遷) 新店位置

好耐年前,此店未有分店時,阿妹响赤柱嗰間買咗曲奇同鳳梨酥比我試,食慣籃罐曲奇嘅我,一食之下,驚為天人,曲奇勁鬆化,好香牛油味,甜度又OK.好鬼正.鳳梨酥餡料就真材實料,每口都食出菠籮粒粒,既清香又有口感,外皮又鬆軟,勁好味,哈哈!!搞到我停唔(倒)口,成罐食哂,滯咗幾日.今回再次幫襯,當然有期望,結果亦有少許失望.鳳梨酥冇以前咁好味,菠籮粒少咗,得番啲糖漿,當堂冇哂口感,味道同吸引力大減,如果唔係試過之前嘅質素,可能今次會覺得好食,可惜大不如前,有點失望.反而試咗佢嘅新產品杏仁片就好香脆,夠爽身,好香杏仁味,幾好食,有機會可以買嚟一試.