影片
更多
2016-11-13
348 瀏覽
記得呢間野曾經喺北角開店嗰陣時候我好開心，我幾乎會一個禮拜都會去食一餐，特別鍾意食就係佢個厚身嘅午餐肉，同埋佢嘅炒蛋。但係經過冇幾耐佢嘅質素每況愈下，我都越來越少幫襯，直至有一日見到佢已經執咗。見咁耐冇食過再喺其他地方都試下，睇下有冇改變啦，去到嗰日都仲要等下位，要先自己係付款處嗰度買咗就攞埋個牌先可以入去坐。首先嚟到嘅就係最普通嘅炒蛋多士同埋火腿通粉，本身我都係轉左牛角包嘅，但係佢完全都無睇到帳單，冇幫我轉到，之後同個店員講先幫我轉番，講嗰時個店員反應仲呆呆下。炒蛋炒出嚟個樣已經冇以前咁靚，食落去嘅味道還可以，但係有少少似蛋皮嗰種感覺，唔係佢以前炒嘅牛奶炒滑蛋。入邊已經係完全熟晒，唔會有蛋汁流出來。唯一就係個火腿通粉都覺得OK，食落去食到係雞湯味，但係通粉就係屬硬身，唔太得。另外一個餐就叫咗豬扒炒蛋，呢個餐都等左成15分鐘先出嚟，等嗰陣時真係有啲火滾。個豬扒都ok，厚切，剛炸起，味道ok喇，正常。但係個餐加左＄6個國家就真係完全唔得，個牛角包個size就幾大，但係食落去仲差過我係士多買嗰啲放咗好耐嘅真空包裝牛角包，而且完全冇比牛油我查，所以我另外在問佢攞，攞出嚟嘅牛油就係下圖，無嘢想
記得呢間野曾經喺北角開店嗰陣時候我好開心，我幾乎會一個禮拜都會去食一餐，特別鍾意食就係佢個厚身嘅午餐肉，同埋佢嘅炒蛋。但係經過冇幾耐佢嘅質素每況愈下，我都越來越少幫襯，直至有一日見到佢已經執咗。
見咁耐冇食過再喺其他地方都試下，睇下有冇改變啦，去到嗰日都仲要等下位，要先自己係付款處嗰度買咗就攞埋個牌先可以入去坐。
首先嚟到嘅就係最普通嘅炒蛋多士同埋火腿通粉，本身我都係轉左牛角包嘅，但係佢完全都無睇到帳單，冇幫我轉到，之後同個店員講先幫我轉番，講嗰時個店員反應仲呆呆下。
炒蛋炒出嚟個樣已經冇以前咁靚，食落去嘅味道還可以，但係有少少似蛋皮嗰種感覺，唔係佢以前炒嘅牛奶炒滑蛋。入邊已經係完全熟晒，唔會有蛋汁流出來。唯一就係個火腿通粉都覺得OK，食落去食到係雞湯味，但係通粉就係屬硬身，唔太得。
另外一個餐就叫咗豬扒炒蛋，呢個餐都等左成15分鐘先出嚟，等嗰陣時真係有啲火滾。個豬扒都ok，厚切，剛炸起，味道ok喇，正常。
但係個餐加左＄6個國家就真係完全唔得，個牛角包個size就幾大，但係食落去仲差過我係士多買嗰啲放咗好耐嘅真空包裝牛角包，而且完全冇比牛油我查，所以我另外在問佢攞，攞出嚟嘅牛油就係下圖，無嘢想講。
我估其實唔係淨係我一個覺得係啲水準差，我啲朋友都有幾個曾經提過。我上次食到今次差唔多都有半年至一年，個水準唔單止無上升，仲繼續差咗，真係覺得無心就唔好做，價錢又唔平。
張貼
