南記粉麵 (福苑)

營業中

休息中

坊間有好多間食米線嘅鋪頭，我鍾情嘅始終係南記，仲要係旺角咁方便，實在太好。我最鍾意食南記嘅春卷同辣腩肉，暫時無第二間可以取代到。今次食左招牌滋選小窩，$56已經有4個餸，比普通小窩米線多一個。平時食開酸辣湯底，今次就試下麻辣湯底，口腔麻麻嘅感覺好刺激，不過我都係鍾意酸辣😝。米線一貫好食，煮得唔會太淋，少少韌有咬口。我嘅最愛辣豬肉同春卷唔洗多講，招牌餸仍然好正。魚片我覺得普通，好在唔會太粉，冬菇煮得好入味，索埋湯汁好好食。下次一定要再試下其他配料。