黃記煌三汁燜鍋 (已結業)

見有「鯰魚煲加一蚊送龍蝦」嘅promotion，就去試喇。位置喺天樂大廈一樓，呢度本身應該係寫字樓，宜家改咗做餐廳，所以地方唔算大。可能我哋去得早，上到去時得幾張枱有客，唔洗等即刻有得食。兩個人食唔到好多嘢，order咗個煲，再加支椰青水，就係咁上下了。曾經見有食家推介過幾味小食，還是留待下次光臨再試吧。成個煲好靠個汁，食慣清淡嘅朋友未必會鐘意。其實呢個係類似現時開到周街都係嘅雞煲，不過內容就豐富好多，有好多食材可以揀，仲配有大量蔬菜。啲蔬菜吸曬啲醬汁同肉味，仲好味過啲肉！食完啲料之後如果唔夠喉，可以加湯淥其他嘢食。不過我哋食完呢煲已經好飽，無緣試佢嘅邊爐。Like facebook或者follow wechat仲有甜品送：埋單再送$50 coupon，豪氣。若然食雞煲已經食到好悶，可以嚟呢度試下，或者有驚喜呢。