魔芋麻辣雞 (已結業)

雞煲幾時都咁岩食，呢間舖頭既雞煲仲有魔芋一齊煮，吸晒啲醬汁既味道，我地兩個人叫左半隻小辣，一上枱好大窩，份量好似好多，同埋好多配料，我最鍾意連埋芹菜香菜一齊食，超正！仲有啲蒜頭都入晒味，雞肉都新鮮，非常滿意。之後我地仲加左雜丸併，雜菜餅同埋韭菜餃併雲吞，呢啲份量最適合兩個人，咩都有啲，咁就可以食多幾款，仲有芝心同包心丸，同埋特大魚蛋，啲雲吞似係自己包，味道唔錯，雜菜併都四五款菜，仲有粟米當中西洋菜真係幾正！食咁多野都係每人百幾，真係好抵，而且員工同老闆婆十分有禮貌同招呼周到