黃大仙雞翼尖 (已結業)

閒日七點去到，排大約10分鐘左右，acceptable，如果放學時間/八九點我估會更多人。各款食物價錢都算合理。落單時，老闆娘對每個客人都好有禮貌呢！買左一份招牌原味蜜汁雞翼尖，中辣，$25目測20隻左右。中辣辣度唔算強勁，所以下次會試大辣同麻辣。個醬汁真係好惹味！雞翼尖大大隻，夠腍同夠哂味，蜜汁確係香甜，如果面頭啲辣汁再多啲會更好，因為底部無辣汁個啲就只係得番蜜糖味，但我相信老闆娘咁nice下次落單時叫多辣汁應該無問題！